हामी सबैकाे संसारन्यूज

काठमाडौं । जिल्ला अदालत काठमाडौंका न्यायाधीश राजकुमार कोइरालालाई घुस प्रस्ताव गरेकाे भनीएका अधिवक्ता रुद्रप्रसाद पोखरेल विरुद्ध नेपाल कानुन व्यवसायी परिषद्ले सार्वजनिक सूचना जारी गरेको छ । परिषद्ले मंगलबार सार्वजनिक सूचना जारी गरेर ७ दिनभित्र स्पष्टीकरण दिन माग गरेको हो ।

जारी सूचनामा भनिएको छ , ‘तपाईं रुद्रप्रसाद पोखेलले कानून व्यवसायको सिलसिलामा कार्य गर्दा काठमाडौं जिल्ला अदालतका न्यायाधीश राजकुमार कोइरालासँग सिभिल सहकारीका सञ्चालक ईच्छाराज तामाङसमेत उपर काठमाडौं जिल्ला अदालतमा चलेको ठगी मुद्दामा निजलाई धरौटीमा छुटाउनका लागि मोलमोलाई गरी तपाईं र न्यायाधीशबीच फोन वार्ताको सन्दर्भमा तपाईंलाई कार्वाही हुनु पर्ने हो/होइन ?’

अनुशासन समिति (कार्य व्यवस्था) नियमावली, २०५८ को नियम ६(३) बमोजिम यो सूचना प्रकाशित गरिएको छ । आजका मितिले मितिले ७ दिन भित्र जवाफ पेश गर्नु होला अन्यथा कानून बमोजिम भई जाने व्यहोरा सूचित गरिन्छ ।’

हेर्नुहोस् सूचना :