हामी सबैकाे संसारन्यूज

काठमाडौं । आई.एम.ई. लाइफ इन्स्योरेन्स कम्पनीले ‘केयरएनपी ट्रिपल बि’ रेटिङ्ग प्राप्त गरेको छ । कम्पनीले ‘केयरएनपी ट्रिपल बि’ निरन्तर उत्कृष्ट अवार्ड प्राप्त गरेको हो ।

रेटिङ्ग एजेन्सी केयर नेपालका अनुसार उक्त रेटिङ्गले समयमा नै वित्तीय दायित्व पुरा गर्न सक्षम रहेको मध्यम स्तरको सुरक्षित कम्पनी जनाउँछ । कम्पनीले आफ्ना लगानीकर्ताहरुको सुरक्षाको निम्ति आफ्ना जोखिमहरुलाई न्युनीकरण गर्दै लगेको समेत यस रेटिङ्गले थप पुष्टि गर्ने जनाएको छ ।

कम्पनीले आगामी दिनहरुमा पनि आफ्ना परिसूचकहरु अझ सशक्त गर्दै लैजाने कुरामा कम्पनी अझै प्रतिबद्ध रहेको जनाएको छ ।

कम्पनीले १४० वटा शाखा कार्यिलयबाट बिमितहरुलाई सेवा प्रदान गर्दै आईरहेकोे जनाएको छ । साथै कम्पनीमा २७ हजार भन्दा धेरै अभिकर्ताहरु आबद्घ रहेको कम्पनीले जनाएको छ ।

कम्पनीले नयाँ सेवा उपलब्ध गराउंदै जाने क्रममा कम्पनीको वेभसाइट र मोबाइल एपमा राखिएको च्याट बोर्ड मार्फत बीमित तथा अभिकर्ताहरुका लागि उपयोगी हुंने विविध सेवा तथा सूचनाहरु प्रदान गर्दै आएको जनाएको छ ।

यस कम्पनीले पाँचवर्ष अगाडि जीवनबीमा व्यवसाय गर्नका लागि लाइसेन्स प्राप्त गरेको थियो । कम्पनीमा ग्लोबल आइएमई बैक, आइएमई गु्रपलगायत ठुला प्रतिष्ठीत व्यवसायिक समुहहरुको लगानी रहेको बताइएको छ ।