हामी सबैकाे संसारन्यूज

खाँडचक्र नगरपालिका – १, कालिकोट, कर्णाली निवासी ६४ बर्षिय कौशीला लोहारलाई अक्सिजन ग्याँस उत्पादन गर्ने मेसिन Oxygen Concentrator मशिन हस्तान्तरण गरिएको छ ।

स्वयम्भुमा मेडिकल सञ्जालन गरिरहेका कृष्ण थापा (Krishna Thapa) ले किनेर उपलब्ध गराएको उक्त मेसिन निपेश ढाका फाउण्डेसनमार्फत हस्तान्तरण गरिएको हो ।

वातावरणविद् तथा फाउण्डेसनका संरक्षक निपेश ढाकाका अनुसार विगत लामो समय देखि उपचारभै केहि दिन अगाडि मात्र टिचिङ हस्पिटल महाराजगञ्जबाट डिस्चार्ज भएर गार्कोको एक पाटीमा वास बिताई राखेको अवस्थामा भेटिएकी लाहोरलाई दैनिक २० घण्टा अक्सिजन दिइरहनु पर्ने भएकाले Oxygen Concentrator मसिन हस्तान्तरण गरिएको जानकारी दिए । लोहारको छोरा विहानी वि=कका अनुसार ८०० मा भरेको अक्सिजन सिलिण्डरले ३६ घण्टामात्र पुग्ने गरेको थियो । अब यो मसिन भरिराख्नु नपर्ने रिचार्ज गरे हुने हुँदा जिन्दगीभरलाई अक्सिजन लिन सहज हुने फाउण्डेसनका संरक्षक ढाकाले बताए ।

विहानी वि.क द्वन्द्व पीडित हुन् । माओवादी द्धन्दकालमा उनले आफ्नो खुट्टा र श्रीमतीले दुवै आँखा गुमाएका छन् ।

बिरामी आमालाई पार्टीमा लिएर बसेको करुणादायी अवस्था उनको परिवारलाई भेटपछि कसरी सहजिकरण गर्न सकिन्छ भनेर आफूले उनीहरुले गीत गाएको भिडियो सामाजिक सञ्जालमार्फत शेयर गरेको र फोनबाट केही साथीहरुलाई भनि सहयोग जुटाउन सुरु गरेको  ढाकाले बताए ।

Oxygen Concentrator ले मेसिन नै किनेर हस्तान्तरण गर्ने योजना बनाए पछि साउन सात गते शनिबार मनमोहन मेमोरियल अस्पताल सितापाईलामा कौशीला लोहार र उनको परिवारको साथमा सो इहथनभल ऋयलअभलतचबतयच मेसिन हस्तान्तरण गरिएको उनले बताए ।
लाहोरको हेरचाह र थप आवश्यक सामाग्रीको व्यवस्था ढाका फाउडेसनले नै गर्ने जानकारी दिँदै ढाका भन्छन् ‘अब उहाँको हेरचाह र अन्य थप आवश्यक सामाग्री पनि उपलब्ध गराई उहाँलाई कालीकोट मान्मा उहाँकै निवासमा यो सुविधा पाउनुहुनेछ । यसको व्यवस्था र निगरानी निपेश ढाका फाउण्डेशनले छ ।’