Sansar News
काठमाडौं । नेपाल क्रेडिट एण्ड कमर्स बैंकको आर्थिक वर्ष २०७८/७९ को चौथो त्रैमासमा खुद नाफा ५१.९८ प्रतिशतले बढेको छ । अघिल्लो आर्थिक वर्षमा बैंकको खुदनाफा १ अर्ब ३३ करोड रहेकोमा आर्थिक वर्ष ०७८/७९ मा बैंकको नाफा बढेर २ अर्ब २ करोड पुगेको हो ।
बैंकको खुद ब्याज आम्दानी ३१.९३ प्रतिशतले बढेर ४ अर्ब १५ करोड पुगेको छ । यस अवधिमा बैंकको बितरणयोग्य मुनाफा १०६.२६ प्रतिशतले बढेर १ अर्ब ४७ करोड पुगेको छ ।
समिक्षा अवधिमा बैंकको निक्षेप २६.१६ प्रतिशतले बढेर १ खर्ब ३४ अर्ब पुगेको छ भने कर्जा प्रवाह २८.१३ प्रतिशतले बढेर १ खर्ब २१ अर्ब पुगेको छ । ११ अर्ब १३ करोड चुक्ता पुँजी रहेको बैंकको रिजर्भमा ५ अर्ब ३२ करोड रहेको छ ।
यस अवधिमा बैंकको प्रति शेयर आम्दानी १८ रुपैयाँ १५ पैसा रहेको छ भने प्रति शेयर नेटवर्थ १४७ रुपैयाँ ७९ पैसा रहेको छ ।
एनसीसी बैंकले ल्यायो बीमा सुविधासहित १० गुणासम्म रकम पाउने यस्तो मुद्दती खाता
वि.सं.२०७९ साउन ९ सोमवार १७:३२ मा प्रकाशित
