हामी सबैकाे संसारन्यूज

उदयपुर । गत साउन ४ गतेदेखि उदयपुरको चौदण्डीगढी नगरपालिका वडा नं.९ भई बग्ने भडौल खोलाबाट नदिजन्य पदार्थको उत्खनन् भएको स्थानीयले बताएका छन् ।

चारवटा ट्याक्टर र दुईवटा जेसिविको सहयोगमा धमाधम उत्खनन् भैरहेको स्थानियले बताएका छन् । सो कार्यमा वडाध्यक्ष प्रकाश राउत, देउराली सामुदायीक वन उपभोक्ता समितिका अध्यक्ष सोमन चौधरी र स्थानीय बेनु कार्कीसहितको प्रत्यक्ष सहभागितामा सो कार्य भैरहेको बताइएको छ ।

कानुन अनुसार असार, साउन र भदौ महिनामा योजना तथा निर्माण कार्यको लागि खोला तथा वनबाट नदिजन्य पदार्थ उत्खनन् गर्न पाईदैन । यस्तो कानुन हुँदाहुँदै पनि सम्बन्धित निकायमा स्थानीयले खबरदारी गर्दा पनि कहि कतैबाट सुनुवाइ नभएको स्थानीयको गुनासो छ । तर यस सम्बन्धमा नगरपालिकालाई केहि थाहा नभएको नगरपालिकाका सूचना अधिकारी सत्यनारायण हुजदारले बताए ।

नगरपलिकाका प्रवक्तासमेत रहेका राउतले आरोपकाे खणडन गर्दै जिल्ला सिचाई कार्यालयबाट २५ लाख बजेट छुट्याएर सो बाँध बाध्ने कार्य भएको बताएका छन् । उनले नगरपालिकाले समेत २ लाख बजेट दिएको बताए । उनले बाँध भत्किएर गाउँ पसे पछि कानुनी पक्ष नहेरी तत्काल बस्ती जोगोउनका लागि बाँध बाध्ने कार्य भएको बताए । उनले सो बाँध बाध्ने कार्यका लागि स्वयम् नगर प्रमुख कालुमान लामाले लिखित अनुमति दिएको बताए ।