Sansar News
काठमाडौं । काठमाडौंको काभ्रेस्थलीमा एकै परिवारका चारजना मृत अवस्थामा फेला परेका छन् ।
काठमाडौंको तारकेश्वर नगरपालिका २ पदमसालमा बस्दै आएका गोरखाका दिनेश पाण्डेको परिवार मृत फेला परेको प्रहरीले जनाएको छ ।
तारकेश्वर नगरपालिकाका मेयर कृष्णहरि महर्जनका अनुसार पाण्डे, उनकी श्रीमती सुनीता काप्री, ११ वर्षीय छोरा आशिक र छोरी आशिका मृत भेटिएका हुन् ।
‘सुनीता र छोराछोरीको शव एउटा कोठामा छ, दिनेशको अर्को कोठामा छ’ मेयर महर्जनले भने, ‘दिनेशले परिवारका सदस्यहरुको हत्या गरेर आत्महत्या गरेको आशंका गरिएको छ । प्रहरीले अनुसन्धान गरिरहेको छ ।’ मेयर मर्हजनले संचारमाध्यमलाई जानकारी दिएका छन् ।
गोरखाबाट काठमाडौं बसाइ सरेका उनीहरु त्यहि एक तले घर बनाएर बसेका थिए । आइतबार बिहान स्कुल जानेबेलासम्म नआएपछि छिमेकीले साढे १० बजेतिर ढोका फोरेर हेर्दा उनीहरु चरैजनाको शब फेला परेको थियो ।
उपत्यका प्रहरी अपराध महाशाखा र काठमाडौं परिसरको टोली घटनास्थलमा पुगेर अनुसन्धान गरिरहेको छ ।
वि.सं.२०७९ साउन १६ सोमवार १४:१० मा प्रकाशित
