Sansar News
काठमाडौं । आज कोशी, नारायणी र सेती गण्डकीको जलसतह सतर्कता तह आसपास रहने पूर्वानुमान रहेकाले नदीको तटीय क्षेत्रमा उच्च सतर्कता अपनाउन अनुरोध गरिएको छ ।
त्यसैगरी आज देशका धेरै स्थानहरूमा मेघ गर्जन.चट्याङ्ग सहित हल्का देखि मध्यम वर्षाको सम्भावना रहेको छ भने बागमती प्रदेश, गण्डकी प्रदेश, लुम्बिनी प्रदेश र सुदूर पश्चिम प्रदेशका एक वा दुई स्थानमा भारी वर्षाको सम्भावना रहेको मौसम पूर्वानुमान महाशाखाले जनाएको छ ।
त्यस्तै राति पनि बागमती प्रदेश, गण्डकी प्रदेश र लुम्बिनी प्रदेश एक वा दुई स्थानमा भारी वर्षाको सम्भावना रहेको महाशाखाले जनाएको छ ।
वि.सं.२०७९ साउन १८ बुधवार ०९:१७ मा प्रकाशित
