Sansar News
काठमाडौं । सनराइज बैंकले नेपाल पे क्युआरको सेवा सुरु गरेको छ । बैंकले नेशनल पेमेन्ट स्वीच अन्तर्गत नेपाल पे क्युआरलाई आफ्नो मोबाइल बैंकिङ्ग एप्लीकेसन सनराइज स्मार्टमा एकीकृत गरेको हो ।
बैंकको केन्द्रीय कार्यालयमा सोमबार भएको एक कार्यक्रममा बैंकका नायव महाप्रबन्धक रविन नेपाल तथा नेपाल क्लीयरिङ्ग हाउस लि.का प्रमुख कार्यकारी अधिकृत निलेस मान सिं प्रधानले उक्त सेवाको शुभारम्भ गरेका हुन् । साथै बैंकका ग्राहकहरुले आफ्नो मोबाइल बैंकिङ्ग एप प्रयोग गरी नेपाल पे क्युआर र्मचेन्टहरुमा सजिलै भुक्तानि गर्न सक्ने बैंकले जनाएको छ ।
बैंकका अनुसार बैंकमार्फत क्युआर भुक्तानी सेवा लिएका वा लिन चाहने ब्यावसायीहरुले नेपाल पे क्युआर स्ट्यान्डी प्राप्त गर्न पनि सक्नेछ । बैंकले “स्मार्ट बनौं, डिजिटल बैंकिङ्ग गरौं”भन्ने मुलमन्त्रका साथ बैंकिङ्ग सेवाहरुमा डिजिटाइजेसनलाई प्रवर्द्धन गर्दै आएको जनाएको छ ।
बैंकले २०,००० भन्दा बढि मर्चेन्ट नेटवर्क (पीओएस तथा क्युआर), १५९ एटिएम , १३९ शाखा, १३ वटा एक्सटेन्सन काउण्टर, ९४ वटा शाखारहित बैंकिङ्ग सेवामार्फत सेवा प्रदान गर्दै आएको जनाएको छ ।
वि.सं.२०७९ साउन १८ बुधवार ११:४१ मा प्रकाशित
