हामी सबैकाे संसारन्यूज

काठमाडौं । स्रोत नखुलेको झण्डै ५० लाख रकमसहित काठमाडौंबाट एक व्यक्ति पक्राउ परेका छन् ।

काठमाडौं महानगरपालिका–६ तिनचुली बगला मार्ग बस्ने गोरखा चुमनुब्री गाउँपालिका–१ का २४ वर्षीय धावा घ्याल्चेनलाई स्रोत नखुलेको नगद ४९ लाख ५० हजार ५० रूपैयाँ प्रहरीले पक्राउ गरेको हो ।

काठमाडौं महानगरपालिका–६ भूकुटी चोकबाट बा.९९ प ७२०४ नम्बरको मोटरसाइकलमा सवार घ्याल्चेनलाई स्रोत नखुलेको नगद ३२ लाख ५० रूपैयाँ सहित फेला पारी प्रहरी प्रभाग कपनबाट खटिएको प्रहरीले पक्राउ गरेको थियो ।

अनुसन्धानको क्रममा प्रहरीले उनको डेरा कोठाबाट थप १७ लाख ५० हजार रूपैयाँ फेला पारेको हो । यस सम्बन्धमा प्रहरीले आवश्यक अनुसन्धान गरिरहेको जनाएको छ ।