Sansar News
काठमाडौं । सिटिजन्स बैंक इन्टरनेसनलका ग्राहकहरुले रुपन्देहीस्थित रा.जी. क्लिनिक प्रा.लि.मा विशेष छुट पाउने भएका छन् । बैंक र क्लिनिकबिच बैंकका ग्राहकहरुले विभिन्न रोग सम्बन्धी सेवा लिँदा विशेष छुट दिने समझदारी भएको हो ।
उक्त सम्झौतामा दुई पक्षबीच हस्ताक्षर भएको छ । सम्झौताअनुसार बैंकका ग्राहकले रा.जी. क्लिनिकमा गरिने स्वास्थ परिक्षणहरुमा २० प्रतिशत, फार्मेसीमा ७ प्रतिशत छुट पाउनेछन् भने ६५ वर्ष भन्दा माथिका बिरामीका लागि चिकित्सक शुल्क र ल्याब टेष्टमा ३० प्रतिशत सम्म छुट दिइनेछ । यसका साथै बैंकका ग्राहकले क्लिनिकबाट दन्त परिक्षण र चिकित्सक परामर्श जस्ता सेवा निःशुल्क पाउने बैंकले जनाएको छ । दीर्घ रोगीहरुको लागी घरमै सेवा दिने व्यवस्थासमेत गरिएको बैंकले जनाएको छ ।
बैंकले यस सुविधाबाट स्थानीय सेवाग्राहीहरुले गुणस्तरीय सेवा प्राप्त गर्नुका साथै अधिकतम लाभ समेत प्राप्त गर्न सक्ने विश्वास लिएकोे छ । यस सुविधाले ग्राहकहरुलाई छुटको सुविधा उपलब्ध गर्नुका साथै नगद कारोबारबाट डिजिटल कारोबारतर्फ उत्प्रेरित गर्नेमा पनि बैंक विश्वस्त छ ।
एपोलो डाइग्नोस्टिक केन्द्रमा सिटिजन्स बैंकका ग्राहकले विशेष छुट पाउने
वि.सं.२०७९ साउन १९ बिहीवार १३:१३ मा प्रकाशित
