Sansar News
काठमाडौं । सिटिजन्स बैंक इन्टरनेसनलका ग्राहकले एपोलो डाइग्नोस्टिक केन्द्रमा विशेष छुट पाउने भएका छन् । रधुम्बाराही काठमाडौं स्थित “क” वर्गको डाइग्नोस्टिक केन्द्र र बैंकबीच बैंकको कार्डबाहक ग्राहकहरूलाई विशेष छुट दिने समझदारीपत्रमा हस्ताक्षर भएको हो ।
उक्त समझदारीपत्रमा हस्ताक्षर पश्चात् बैंकका कार्डबाहकहरुले एपोलो डाइग्नोस्टिक केन्द्रका विभिन्न स्वास्थ्यसम्बन्धी जाँच र हेल्थ प्याकेजहरुमा १५% सम्मको आकर्षक छुट पाउने छन् । यस किसिमको सहकार्यबाट बैंकका ग्राहकहरु लाभान्वित हुने साथै नगद कारोबारबाट डिजिटल कारोबारतर्फ उत्प्रेरित गर्ने विश्वास बैंकले लिएको छ ।
बैंकका अनुसार बैंकले डिजिटल बैंकिङ्ग माध्यमहरुको प्रयोगलाई बढाउन र ग्राहकहरुलाई डिजिटल माध्यमबाट भुक्तानी गर्न प्रोत्साहन गर्न समय समयमा ग्राहक मैत्री सुविधाहरु सञ्चालनमा ल्याउँदै आएको छ । डिजिटल कारोबार गर्दा पाइने छुट सम्बन्धी विस्तृत विवरणहरू सिटिजन्स बैंकको वेबसाइटमा प्राप्त गर्न सकिने बताइएको छ ।
सिटिजन्स बैंकका ग्राहकले श्री तिनाउ इन्टरनेशनल हस्पिटलमा विशेष छुट पाउने
वि.सं.२०७९ साउन १५ आइतवार १८:०१ मा प्रकाशित
