हामी सबैकाे संसारन्यूज

काठमाडौं । सिटिजन्स बैंक इन्टरनेसनलका कार्डबाहक ग्राहकले रुपन्देही बुटवल स्थित श्री तिनाउ इन्टरनेशनल हस्पिटलमा विभिन्न रोग सम्बन्धीसेवा लिँदा विशेष छुट पाउने भएका छन् । बैंकका कार्डबाहक ग्राहकले सो हस्पिटलमा २० प्रतिशत छुट पाउने भएका हुन् ।

बैंक र हस्पिटलबीच छुट दिने सम्बन्धी समझदारीपत्रमा हस्ताक्षर भएको छ । सम्झौताअनुसार सिटिजन्स बैंकका कार्डबाहकले श्री तिनाउ हस्पिटलका विभिन्नसेवाहरुमा २० प्रतिशतसम्म छुट पाउने छन् । यसका साथै हस्पिटलबाट फिजियकोथेरापीका सेवामा थप आकर्षक प्याकेजको व्यवस्था पनि गरिएको बैंकले जनाएको छ ।

बैंकका अनुसार यस सुविधाबाट स्थानीय सेवाग्राहीहरुले गुणस्तरीय सेवा प्राप्त गर्नुका साथै अधिकतम लाभसमेत प्राप्त गर्न सक्ने छ । यसले ग्राहकहरुलाई छुटको सुविधा उपलब्ध गर्नुका साथै नगद कारोबारबाट डिजिटल कारोबारतर्फ उत्प्रेरित गर्ने विश्वास बैंकले लिएको छ ।

बैंकले आफ्ना ग्राहकहरुको वित्तीय आवश्यकताहरु सुरक्षित तवरले प्रदान गर्ने अभिप्रायका साथ यस अघि नै कियोस्क, ई.के.वाई.सी.तथा नागरिक एप मार्फत अनलाइन खाता खोल्न सक्ने जस्ता सुबिधाको सुरुवात गरी सकेको छ । बैंकले देशैभरीका आफ्ना १८० वटा शाखा, १३२ वटा ए.टि.एम. र ९६ वटा शाखा रहित बैंकिङ्ग ईकाईहरुबाट करिब १४ लाख ७१ हजार ग्राहकलाई आधुनिक बैंकिङ्ग सेवाहरु प्रदान गर्दै आएको जनाएको छ ।

उपत्यकामा सिटिजन्स बैंकको थप ३ शाखा विस्तार