Sansar News
काठमाडौं । सिटिजन्स बैंक इन्टरनेसनलले काठमाडौं उपत्यकामा थप ३ शाखा विस्तार गरेको छ । बैंकले शाखा विस्तार गर्ने क्रममा आफ्नो १७८औं, १७९औं तथा १८०औं शाखा भक्तपुरको सूर्यविनायक, काठमाडौंको धुम्बराही र ललितपुरको थसिखेलमा थप ३ वटा शाखाहरु संचालनमा ल्याएको हो ।
यससँगै उपत्यकाभित्र बैंकको ३५ वटा शाखाहरु र वाग्मतीप्रदेशमा ४९ वटा शाखाहरु संचालनमा रहेको बैंकले जनाएको छ । बैंकमा आयोजित नयाँशाखाहरु आरम्भ समारोहमा बैंकका प्रमुख कार्यकारी अधिकृत गणेशराज पोखरेले प्रुडेन्ट बैंकिङ्ग र सुशासनमा कुनै सम्झैता नगरी काम गर्न सम्पूर्ण कर्मचारीहरुलाई निर्देशन दिए ।
सुविधा सम्पन्न यस शाखाहरुमार्फत ग्राहकहरुको वित्तीय आवश्यकता पुरा गर्न आवश्यक सम्पूर्ण रिटेल बैकिंग सेवा प्रदान गर्नुका साथै साना तथा कर्पोरट व्यवसायीहरु माझ वित्तीय पहुँच पुर्याउने लक्ष्य बैंकले राखेको छ । सुविधाजनक बचत खाता योजना, मुद्दती निक्षेप योजना, लकर सेवा, ए.टि.एम.सेवा, घर तथा सवारी कर्जा, साना व्यवसायी कर्जालगायतका वित्तीय सेवाहरु छिटो, छरितो, चुस्त र दुरुस्त रूपमा ग्राहकहरुलाई प्रदान गर्ने प्रतिबद्धता बैंकले जनाएको छ ।
आफ्ना ग्राहकहरुको वित्तीय आवश्यकताहरु सुरक्षित तवरले प्रदान गर्दै आएको बैंकले आर्थिक बर्ष २०७८र७९ को चौथो त्रैमासिक सम्ममा रु. २ अर्व २५ करोड खुद नाफा गर्न सफल भएको जनाएको छ । यसै अवधिमा रु. १ खर्ब ५५ अर्ब निक्षेप संकलन गरी रु १ खर्ब ३६ अर्ब कर्जा प्रबाह गरेको बैंकले जनाएको छ । त्यसैगरी कर्जा निक्षेप अनुपातका साथ अन्य वित्तीय परिसूचकहरु पनि नियमक निकायले तोकेको सीमाभित्रै कायम गरेको बताइएको छ ।
बैंकले देशैभरीका आफ्ना १८० वटा शाखा, १३१ वटा ए.टि.एम. र ९६ वटा शाखा रहित बैंकिङ्ग ईकाईहरुबाट करिब १४ लाख ७१ हजार ग्राहकवर्गलाई आधुनिक बैंकिङ्ग सेवाहरु प्रदान गर्दै आएको जनाएको छ ।
वि.सं.२०७९ साउन १२ बिहीवार १४:२७ मा प्रकाशित
