Sansar News
काठमाडौं । सत्ता गठबन्धन दलबीच आगामी प्रदेश र प्रतिनिधिसभाको निर्वाचनमा तालमेल गरेर जाने सहमति भएको छ ।
बिहीबार बिहान प्रधानमन्त्री निवास बालुवाटारमा प्रधानमन्त्री शेरबहादुर देउवाको अध्यक्षतामा बसेको गठबन्धनको बैठकले आगमी मंसिर ४ गते हुने दुवै सभाको निर्वाचनमा तालमेल गरेर अगाडि बढ्ने निर्णय गरेको हो ।
प्रधानमन्त्री तथा नेपाली कांग्रेसका सभापति शेर बहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा (एकिकृत समाजवादी) पार्टीका अध्यक्ष माधव कुमार नेपाल, जनता समाजवादी (जसपा) का अध्यक्ष उपेन्द्र यादव र राष्ट्रिय जनमोर्चाकी अध्यक्ष दुर्गा पौडेल सहभागी उक्त बैठकले सिट बाँडफाँटका लागि ९ सदस्यीय कार्यदल समेत बनाएको बताइएको छ । file photo
वि.सं.२०७९ साउन २० शुक्रवार १२:५४ मा प्रकाशित
