हामी सबैकाे संसारन्यूज

१२ चैत्र, काठमाडौँ । क्रान्तिकारी पत्रकार महासंघले अनलाइन मैत्री निर्देशिका जारी गर्न माग गरेको छ । नेपाल सरकारले अनलाइन मिडियालाई व्यवस्थित गर्ने नाममा सुशासन (व्यवस्थातथा सञ्चालन) ऐन २०६४ को दफा ४५ ले दिएको अधिकार प्रयोग गरी जारी गरेको अनलाइन निर्देशिका मैत्री नभएको भन्दै महासंघले प्रेस विज्ञप्तीमार्फत जानकारी गराएको छ ।

अध्यक्ष इन्द्र राउतद्वारा जारी उक्त वक्तव्यमा “प्रेससँग सम्बन्धित सरोकारवाला संघ संस्थाहरुको विरोध र परिमार्जनका लागि दिएको सुझावलाई समेत लत्याएर ल्याएको निर्देशिकाको हाम्रो संगठन कडा शब्दमा निन्दा एवम् भत्र्सना गर्दछ,” भनिएको छ । प्रेस तथा अभिव्यक्ति स्वतन्त्रता माथि प्रतिबन्ध लगाउने प्रतिगामी र निरंकुशचरित्रको निर्देशिका तत्काल खारेजी गर्न माग गरिएको छ ।
महासंघले छापा तथा इलेक्ट्रोनिक मिडियाहरुको तुलनामा विभेदकारी समेत रहेको निर्देशिका खारेज गरी प्रेससँग सम्बन्धित सरोकारवाला संघसंस्था, विज्ञहरुको सुझावमा आधारित रहेर अनलाइन मैत्री निर्देशिका जारी गर्न माग गर्दै संगठन नेपाल पत्रकार महासंघ, अनलाइन पत्रकार संघलगायत सरोकारवाला संघसंस्थाले उक्त निर्देशिका खारेजीको लागि चालेको कदमको स्वागत गर्दै ऐक्यबद्धता समेत जाहेर गरेको उल्लेख छ ।