Sansar News
काठमाडौं । सानिमा बैंकले निशुल्क डिम्याट खाता देखि क्यास ब्याकसम्मको योजना ल्याएको छ । बैंकले हरितालिका तीजको अवसरमा नारीहरुका लागि तीजको कोसेली योजना सार्वजनिक गरेको हो ।
उक्त योजना अन्तर्गत बैंकले सानिमा नारी बचत खाता खोल्ने ग्राहकहरुलाई डेविट/क्रेडिट कार्ड, डिम्याट खाता, मेरो शेयर, मोबाइल बैंकिङ्ग, एनसेल सिम कार्ड, डलर-कार्ड (पहिलो टपअप) निःशुल्क जारी गरिने जनाएको छ । त्यसैगरी, बैंकले लकर शुल्कमा ७५% छुट प्राप्त गर्न सक्ने उल्लेख गरेको छ ।
बैंकका अनुसार यस बाहेक पहिलो पीओएस कारोबारमा १०% वा अधिकतम रु. ५०० सम्मको क्यासब्याक प्राप्त गर्न सकिने छ । बैंकले यो योजना आगामी भाद्र १ देखि १५ गतेसम्म लागू हुने जनाएको छ । साथै क्यासब्याक योजना भाद्र मसान्तसम्म लागू हुने बैंकले जनाएको छ ।
हाल बैंकको १२७ वटा कार्यालय तथा १२० वटा ए.टि.एम. संचालनमा रहेको बैंकले जनाएको छ ।
वि.सं.२०७९ साउन ३० सोमवार १६:०७ मा प्रकाशित
