Sansar News
काठमाडौं । एनएमबि बैंकले एयरलाइन्सको टिकट खरिद गर्दा क्यासब्याक पाइने अफर ल्याएको छ ।
बैंकले बुद्ध एयर र यती एयरको एप र वेबबाट एनएमबि बैंकको डेबिट र क्रेडिट कार्ड प्रयोग गरी प्रत्येक टिकट खरिद गर्दा क्रमशः ३५० रुपैयाँ र ५०० रुपैयाँ क्यासब्याक पाइने सुविधा ल्याएको हो ।
यस क्यासब्याक सुविधाको लागि ग्राहकहरूले आफ्नो एनएमबि कार्डहरूमा ईकमर्स सक्रिय गर्नुपर्ने छ ।
यो सुविधा सिमित अवधिको लागी मात्र उपलब्ध रहने बैंकले जनाएको छ । एनएमबि बैंकले हाल देशभरी २०१ शाखा, १३८ एटीएमहरू, ११ एक्सटेन्सन काउन्टरहरू मार्फत् सेवा प्रदान गर्दै आइरहेको जनाएको छ ।
वि.सं.२०७९ भदौ २ बिहीवार ०८:४१ मा प्रकाशित
