हामी सबैकाे संसारन्यूज

काठमाडौं । नेकपा माओवादी केन्द्र र नेकपा (एकिकृत समाजवादी) पार्टीबीच आगामी निर्वाचनमा एउटै घोषणापत्रमा चुनाव लड्ने सहमति भएको छ ।

माओवादी केन्द्रका अध्यक्ष पुष्पकमल दाहाल ‘प्रचण्ड’ र एकिकृत समाजवादी पार्टीका अध्यक्ष माधव कुमार नेपाल लगायतका नेताहरुको आज बिहान हात्तिबनको एक घरमा बसेको बैठकमा पार्टी एकताका लागि छिट्टै संयोजन समिति बनाउने सहमति समेत भएको छ ।

माओवादी केन्द्रका वरिष्ठ नेता नारायणकाजी श्रेष्ठ तथा एकीकृत समाजवादीका महासचिव वेदुराम भुसाल समेत सहभागी रहेको उक्त बैठकमा आगामी मंसिर ४ गते हुने प्रतिनिधिसभा र प्रदेशसभाको निर्वाचनमा एउटै चुनावी घोषणापत्र लिएर जाने तथा निर्वाचनपछि पार्टी एकता गर्ने सहमित भएको हो ।

माओवादी केन्द्रका वरिष्ठ नेता नारायणकाजी श्रेष्ठले आजको वार्ता असाध्यै सकारात्मक भएको जानकारी दिएका छन् ।

बैठकमा आगामी निर्वाचनको रणनीति, कांग्रेसँगको तालमेल, सिट बाँडफाँट लगायतका विषयमा छलफल भएको बताइएको छ ।