हामी सबैकाे संसारन्यूज

काठमाडौं । नेत्रविक्रम विप्लव नेतृत्वको नेपाल कम्युनिस्ट पार्टीको नेतृत्वमा आज देशभरी बन्द आव्हान गरिएको छ ।

एमसीसी संझौता खारेज, तत्कालीन ओलि सरकारसँग गरेको तीन बुँदे संझौता लागू, जेलमा रहेका आफ्ना नेता तथा कार्याकर्ता रिहाइ, केही दिनअघि मात्र आफ्नो पार्टी महासचिव लगायत केन्द्रीय नेताहरुलाई जारी गरिएको पक्राउ पुर्जी खारेज, नागरिकता बिधयेक खारेजी लगायतका मागहरु राखी आज संयुक्त रुपमा नेपाल बन्दको आव्हान गरेका हुन् ।

विप्लव नेतृत्वको नेकपासँगै ऋषि कट्टेल नेतृत्वको नेपाल कम्युनिष्ट पार्टी, आहुति नेतृत्वको वैज्ञानिक समाजवादी कम्युनिष्ट पार्टी र कर्णजित बुढाथोकी नेतृत्वको नेकपा माओवादी समाजवादीको संयुक्त आयोजनामा आज बन्द आव्हान गरिएको हो ।

रुपन्देही लगायतका जिल्लामा मशाल जुलुश
बन्द आव्हानको पूर्व सन्ध्यामा विप्लव नेतृत्वको नेकपाले राजधानी काठमाडौं लगायतका विभिन्न जिल्लामा मसाल जुलुस निकालेको थियो ।

त्यस्तै बुटवलको बेलवासमा सयौंको संख्यामा भेला भएका नेता तथा कार्यकर्ताहरुले मशाल जुलुस तथा नारावाजी सहित बन्द सफल पार्न आह्वान गरेका थिए । उक्त जुलुसको नेतृत्व बुटवल नगर इन्चार्ज विरेन्द्र बिकले गरेका थिए ।

त्यस्तै रुपन्देहीकै सैनामैना नगरपालिकाको बाँसगढी तथा रुपन्देहीको देवदह नगरपालिकाकै संकरपुर चौडाहामा शिशिरको नेतृत्वमा मशाल जुलुस तथा कोणसभा सम्पन्न गरिएको थियो ।