हामी सबैकाे संसारन्यूज

काठमाडौं । आइएमई पेले क्युआर डे विथ आइएमई पे अफर पुनः सुरू गरेको छ । पेले गत असारमा संचालनमा ल्याएको सो अफर शुक्रबार १० गतेका लागि पुन : सार्वजनिक गरेको हो ।

कम्पनीका अनसार पुरानो संस्करण जस्तै यो पटक पनि प्रयोगकर्ताहरुले कुनै पनि क्यूआर पेमेन्ट आइएमई पे एपमार्फत भुक्तानी गर्दा दिन भरिमा १० % छुट (अधिकतम रू. १०० सम्म) प्राप्त गर्ने व्यवस्था मिलाइएको छ ।

कम्पनीले एक दिनको लागि मात्र लागु हुने यो अफर मार्फत अझ धेरै नयाँ तथा सम्भावित प्रयोगकर्ताहरुलाई आइएमई पे प्रयोग गरी डिजिटल भुक्तानी गर्न र त्यस्तै माध्यमको प्रयोगमा अभ्यस्त बनाइ विद्युतीय भुक्तानीलाई प्रोत्साहन दिने विश्वास लिएको छ । अघिल्लो समय जस्तै यस अफरमा पनि पहिलो २ हजार ५ सय सेवाग्राहीहरुले मात्र क्यास व्याक पाउँने छन् भने पियर्स‐टु‐पियर्स क्यूआर ट्रान्जेक्सनमा यो अफर अन्तर्गतको क्यास व्याक नपाउने कम्पनीले जनाएको छ ।

गत असारमा सार्वजनिक गरेको सो अफर मार्फत आइएमई पेबाट क्युआर स्क्यान गरी भुक्तानीगर्दा १०% क्यास ब्याक पाइने कम्पनीले जनाएको छ ।