Sansar News
काठमाडौं । प्रभु बैंकका ग्राहकले सीता प्यालेस होटलमा विशेष छुट पाउने भएका छन् । बैंक र सर्लाही स्थित सीता प्यालेसबिच बैंकका ग्राहकहरुलाई विभिन्न सेवाहरुमा छुट प्रदान गर्ने सम्बन्धी सम्झौता भएको हो ।
उक्त सम्झौतापत्रमा बैंकका तर्फबाट हरिवन शाखा कार्यालय प्रमुख मनोज कुमार साह र होटलका तर्फबाट प्रबन्धक मुकुन्द प्रसाद घिमिरेले सम्झौतामा हस्ताक्षर गरेका छन् । सम्झौता अनुसार प्रभु बैंकमा खाता खोली बैंकिङ्ग कारोबार गरिरहेका ग्राहकहरुले सीता प्यालेस होटलद्धारा सञ्चालित “फुड” र “वेभरेज” सेवामा १० प्रतिशत र “लजिङ्ग” सेवामा १५ प्रतिशत छुट प्राप्त गर्न सक्ने छन् ।
होटलमा सुविधा लिन चाहने बैंकका ग्राहकहरुले प्रभु बैंकको डेबिट कार्ड, क्रेडिट कार्ड, मोबाइल बैंकिङ्ग, इन्टरनेट बैंकिङ्ग च्यानलहरु प्रयोग गरी भुक्तानी गर्दा होटलको सो सेवाहरुमा आकर्षक छुट प्राप्त गर्ने व्यवस्था मिलाईएको बैंकले जनाएको छ ।
वि.सं.२०७९ भदौ ८ बुधवार २१:५८ मा प्रकाशित
