Sansar News
काठमाडौं । सहरी विकासमन्त्री मेटमणि चौधरीले मङ्सिरमा हुने निर्वाचनपछि मुलुक नयाँ दिशातर्फ अघि बढ्ने बताएका छन् । बुटवलस्थित रिपोर्टर्स क्लब नेपाल लुम्बिनी प्रदेश कार्यालयले आज आयोजना गरेको साक्षात्कार कार्यक्रममा उनले यस्तो बताएका हुन् ।
मन्त्री चौधरीले मुलुकमा संविधानको कार्यान्वयनका लागि गठबन्धन दलहरूलाई विजयी गराउनुपर्ने आवश्यकता भएको बताए । उनले संंविधान विरोधी तत्वहरूबाट देश बचाउन सबै पार्टी एकजुट हुनुपरेकोसमेत उल्लेख गरे ।
नेकपा (एकीकृत समाजवादी)का पोलिटब्यूरो सदस्यसमेत रहेका मन्त्री चौधरीले मुलुक समृद्धिको बाटोमा अघि बढिरहेका बेला फेरि गोलचक्करमा पार्ने काम भएको भन्दै त्यसलाई चिर्न गठबन्धन आवश्यक रहेको बताए ।
वि.सं.२०७९ भदौ ११ शनिवार ११:५० मा प्रकाशित
