हामी सबैकाे संसारन्यूज

काठमाडौं । ग्लोबल आइएमई बैंकले तीज क्यास ब्याक योजना ल्याएको छ । बैंकले हरितालिका तीजको अवसरमा आफ्ना महिला ग्राहकहरुलाई लक्षित गरी विशेष क्यास ब्याक योजना ल्याएको हो ।

बैंकका अनुसार यस क्यासब्याक योजनाअन्तर्गत भाद्र १३ र १४ गते ग्लोबल स्मार्ट प्लसमोबाइल बैंकिङ्ग एपबाट क्यूआर कोडमार्फत भुक्तानी गर्दा खरिदको २० प्रतिशत (रु.५०० सम्म), एक पटक क्यासब्याक पाइने छ ।

बैंकले क्यास ब्याक योजनालाई तीज विशेष बनाउन महिलाहरुलाई ग्राह्यता दिने जनाएको छ । बैंकमा“नारी बचत”तथा“नारी शक्ति बचत” खाता रहेका महिलाहरुले ग्लोबल स्मार्ट प्लस एपको प्रयोग गरी क्यूआरमार्फतको भुक्तानीमा क्यासब्याक पाउने बैंकले जनाएको छ ।

बैंकका अनुसार मोबाइल बैंकिङ्ग एप्लिकेशन, क्यूआर पेमेन्ट प्रयोगलाई बढावा दिनका लागि बैंकले यो क्यासब्याक योजना सार्वजनिक गरेको हो । बैंकले आफ्ना ग्राहकको सुविधालाई मध्यनजर गरी समय सापेक्षेताअनुसार यस्ता योजनाहरु ल्याएर ग्राहकहरुलाई लावान्भित गर्दै आएको जनाएको छ ।

मुलुकका सतहत्तरै जिल्लामा २८९ शाखा रहेको नेपालको पहिलो निजी क्षेत्रको बैंकले २७२ एटीएम, २७५ शाखा रहित बैंकिङ्ग सेवा, ५२ एक्सटेन्सनतथा राजश्व संकलन काउन्टर तथा ३ वटा बैदेशिक प्रतिनिधि कार्यालयसमेत गरी ८९०भन्दा बढि सेवा केन्द्रबाट ३० लाखभन्दा बढि ग्राहकहरूमाझ सेवा प्रदान गरिरहेको जनाएको छ ।