Sansar News
काठमाडौं । दुबईबाट आएकी एक महिला त्रिभुवन विमानस्थलबाट सुनसहित पक्राउ परेकी छन् ।
सिन्धुपाल्चोक हेलम्बु गाउँपालिका–७ घर भई काठमाडौं महानगरपालिका–६ कपन बस्ने ४४ वर्षीया पासाङ डोल्मा लामालाई आइतबार बिहान प्रहरीले ५५० ग्रामसहित पक्राउ गरेको हो ।
हिमालय एयरको उडानद्वारा दुबईबाट काठमाडौं आएकी उनको गतिविधि शंकास्पद देखिएपछि गेटमा खटिएको प्रहरीले जाँच गर्ने क्रममा भिस्त्री वस्त्रभित्र फल्स बटम बनाई सुन लुकाई ल्याएको अवस्थामा पक्राउ परेकी हुन् ।
उनलाई आवश्यक कारबाहीको लागि त्रिभुवन विमानस्थल भन्सार कार्यालय गौचरमा बुझाइएको प्रहरीले जनाएको छ ।
वि.सं.२०७९ भदौ १३ सोमवार १२:३१ मा प्रकाशित
