हामी सबैकाे संसारन्यूज

काठमाडौं । दक्षिण कोरियाली प्रविधि कम्पनी सामसङले प्राविधिक सीपहरूमा तालिम दिन त्रिभुवन विश्वविद्यालय इन्स्टिच्युट अफ इन्जिनियरिङ्सँग समझदारी पत्र (एमओयू) मा हस्ताक्षर गरेको छ ।

सामसङले नेपाली युवाहरुलाई भविष्यमा आर्टिफिसियल इन्टेलिजेन्स, बिग डाटा, कोडिङ एण्ड प्रोग्रामिङ र इन्टरनेटअफ थिङ्स जस्ता प्राविधिक सीपहरूमा तालिम दिन विश्वविद्यालयसँग हस्ताक्षर गरेको हो ।

नयाँ तालिम योजनाले नेपालमा बलियो प्रविधि र नवप्रवर्तन इकोसिस्टमको विकासमा योगदान पुग्ने कम्पनीको अपेक्षा छ । सामसङ इनोभेसन क्याम्पस योजना अन्तर्गत यसलाई हेरिएको छ । जसले युवाहरूलाई वास्तविक कार्यगत सीपहरू र माग अनुसारको प्राविधिक सीपहरू उपलब्ध गराउनेछ । साथै, उनीहरूको डिजिटल साक्षरता, सिकाउने क्षमता, रचनात्मकता र रोजगारीमा पनि सुधार गर्नेछ ।

कम्पनीका तर्फबाट सामसङ इलेक्ट्रोनिक्सका क्षेत्रीय अध्यक्ष तथा सिइओ केन काङ र सामसङ इलेक्ट्रोनिक्स ग्लोबलका अध्यक्ष तथा प्रमुख वित्तीय अधिकारी एचके पार्कले विश्वविद्यालयका प्राध्यापक तथा डीन डा.शशिधरराम जोशीले समझदारीपत्र आदानप्रदान गरेका थिए ।

कम्पनीका सिइओ केन काङले त्रिभुवन विश्वविद्यालय इन्स्टिच्युट अफ इन्जिनियरिङ जस्तो प्रतिष्ठित संस्थासँग साझेदारी गर्न पाउनु खुसीको कुरा भएको बताए ।

विश्वविद्यालय इन्स्टिच्युट अफ इन्जिनियरिङका प्राध्यापक तथा डीन डा.जोशीले सामसङ इनोभेसन क्याम्पस योजनाको हिस्सा भएका पाठ्यक्रमहरू इन्स्टिच्युट अफ इन्जिनियरिङमा पढाइने बताए । उनले पाठ्यक्रमहरूको लागि छनोट हुन विद्यार्थीहरूलाई एल्गोरिदम, डेटा संरचना र प्रोग्रामिङको ज्ञान हुनुपर्ने भएका कम्पनीसँग यो सम्झौता गरेको बताए ।