Sansar News
काठमाडौं । निलिम्बत प्रधानन्यायाधीश चोलेन्द्र शमशेर राणासँगको बयान झण्डै डेढ घण्टा पछि सुरु भएको छ । समितिले तोकेको समयमा राणा पुगेपनि सांसदहरु नआउँदा ढिलो गरी सुरु भएको हो ।
समितिले बाेलाएकाे समय ११ बजे नै राणा सिंहदरबार पुगेका थिए । तर, समितिका सदस्य सांसदहरु नआएपछि उनको बयान ढिलो गरी सुरु भएको हो ।
समितिकाे बैठक केही बेर अघि मात्रै सुरु भएको छ ।
गत १ फागुनमा राणाविरुद्ध सत्तारुढ दलका सांसदले महाभियोग प्रस्ताव प्रतिनिधिसभामा दर्ता गरेका छन् । जसअनुसार प्रतिनिधिसभाले गठन गरेको महाअभियोग सिफारिस समितिले बयानका लागि उनलाई बोलाएको हो ।
राणालाई सोध्न समितिले ४३ वटा प्रश्न तयार पारेको छ ।
सम्बन्धित समाचार
वि.सं.२०७९ भदौ १५ बुधवार १३:०३ मा प्रकाशित
