हामी सबैकाे संसारन्यूज

काठमाडौं । राजनैतिक तथा सामाजिक ब्यक्तित्व हरी बुढाथोकीको निधन भएको छ ।

लामो समयदेखी एमएस एमएनडी मोर्टार न्युरो डिजीज नामक रोगको उपचार गराईरहेका बुढाथोकीको बुधवार बिहान ८ः ३० बजे ग्राण्डी अस्पताल टोखामा निधन भएको हो ।

लामो समय निजामति सेवामा रहंदा पनि राजनैतिक र सामाजिक काममा अग्रणी भुमिका खेलेका बुढाथोकी पछिल्लो समय पर्यटन ब्यवशायमा समेत आवद्ध थिए ।

सर्लाहीको घुर्कोली स्थायी घर भै हाल रातोपुल काठमाण्डौ बस्दै आएका बुढाथोकीको एक धर्मपत्नी जयन्ती बुढाथोकी, एक छोरा निश्चल बुढाथोकी र दुई छोरीहरु एलिजा कार्की तथा एलिना शाह रहेका छन ।

तत्कालीन चौथो महाधिवेशनबाट राजनैतिक यात्रा शुरु गरेका बुढाथोकीको निधन लगतै नेकपा माओवादी केन्द्र लगायत बिभिन्न राजनैतिक दलका नेताहरुले भावपूर्ण श्रद्धान्जली तथा गहिरो समवेदना ब्यक्त गरेका छन ।

बुढाथोकीले जनयुद्धको कठिन समयमा माओवादीलाई सघाएको र शान्तिवार्तामा सहजीकरण गरेको समाचार यसअघि नै प्रकाशन भएको थियो । बुढाथोकीको आजै अपरान्ह अन्तेष्टि गरीने पारिवारीक श्रोतले बताएको छ ।

सम्बन्धीत समाचार

साथी सम्झदै ओछयानमा संघर्षरत छन हरि बुढाथोकीे