हामी सबैकाे संसारन्यूज

काठमाडौं । पर्वतको पैयु गाउँपालिका वडा नं ३ का एक व्यक्ति मृत भेटिएका छन् ।

केही दिनदेखि हराईरहेका डाथोकका नेत्र प्रसाद बसेल मंगलबार मृत अवस्थामा फेला परेको प्रहरीले जनाएको छ ।

उनी सोहि पालिकाको अर्थुङस्थित खोचमा मृत फेला परेको प्रहरीले जनाएको छ ।

त्यसैगरी काठमाडौं, बुढानीलकण्ठ नगरपालिका–१३ चुनिखेलस्थित बबरकोट स्नोकर कर्नर सेकुवामा काम गर्ने २९ वर्षीय प्रताप तामाङ आफ्नै कोठामा मंगलबार मृत अवस्थामा फेला परेका छन् ।

काठमाडौं, चन्द्रागिरि नगरपालिका–७ थानकोट पल्तेन भन्ने स्थानमा सिन्धुपाल्चोक चौतारा नगरपालिका–८ घर भई काठमाडौं कलंकी बस्ने ३३ वर्षीय संजय लामा पनि मंगलबार मृत अवस्थामा फेला परेका छन् ।

सल्यान, बागचौर नगरपालिका–४ लौराबाङ बस्ने ७२ वर्षीय हरि बहादुर पुन सोही नगरपालिका–५ नाउलस्थित शारदा नदीको किनारमा मंगलबार मृत अवस्थामा फेला परेका छन् भने कैलाली, मोहन्याल गाउँपालिका–६ तिउली खोलास्थित कर्णाली नदीको किनारामा सुर्खेत चौकुने गाउँपालिका–३ बस्ने ३५ वर्षीय टेक बहादुर नेपाली मंगलबार मृत अवस्थामा फेला परेका छन् ।

त्यसैगरी अछाम, पञ्चदेवल विनायक नगरपालिका–२ विनायकस्थित सडकको किनारामा सोही ठाउँ बस्ने २५ वर्षीय बम बहादुर धामी मंगलबार मृत अवस्थामा फेला परेको प्रहरीले जनाएको छ।  यस सम्बन्धमा आवश्यक अनुसन्धान गरिहेको प्रहरीले जनाएको छ ।