हामी सबैकाे संसारन्यूज

काठमाडौं । एनसीसी बैंक र कर्णाली कियर इन्टरनेशनल हस्पिटल एण्ड रिसर्च सेन्टर प्रा.ली.बीच सम्झौता भएको छ । बैंकले आफ्ना ग्राहकहरुलाई कर्णाली प्रदेश, सुर्खेत, जुम्लारोड स्थित कर्णाली कियर इन्टरनेशनल हस्पिटल एण्ड रिसर्च सेन्टरमा विशेष छुट प्रदान गर्ने सम्बन्धी सम्झौता गरेको हो ।

उक्त सम्झौता पत्रमा बैंकका तर्फबाट कर्णाली प्रदेश प्रमुख चेतकान्त जैसी बञ्जाडे र हस्पिटल एण्ड रिसर्च सेन्टरको तर्फबाट उप निर्देशक दिपक कुमार गौतमले हस्ताक्षर गरेका छन् ।

सम्झौता अनुसार बैंकको भिसा डेभिट कार्ड तथा मोबाइल बैंकीङ्ग प्रयोगकर्ताले उक्त हस्पिटल एण्ड रिसर्च सेन्टरमा क्याविन(डिलक्स) मा २५ प्रतिशत, क्याविन(नर्मल) र होल बडि चेक्अपमा २० प्रतिशत, अप्रेशन चार्ज(ओ.टी) मा १५ प्रतिशत छुट प्राप्त गर्ने छन् । साथै, सीटी स्क्यान, एक्स-रे, युएसजी(अल्ट्रा साउन्ड), इसीएचओ, इन्डोस्कोपी, आईसीयु/एनआइसीयु, पोष्ट अप, डेण्टल एण्ड एम्बुलेन्समा १० प्रतिशत र प्याथोलोजी एण्ड फार्मेसी(मेडिसीन)मा ५ प्रतिशत सम्म छुट प्राप्त गर्ने बैंकले जनाएको छ ।

नेपालको वित्तीय क्षेत्रमा विगत २५ वर्ष देखि सरल, सहज र भरपर्दो बैंकिङ्ग सेवा तथा ग्राहकहरु माझ विभिन्न प्रकारका सेवा सुविधाहरु प्रदान गर्दै आएको नेपाल राष्ट्र बैंकबाट ‘क’ वर्गको इजाजत प्राप्त बैंकले हाल १५६ शाखा १५ एक्स्टेन्सन काउन्टर र १३३ एटिएम वुथहरु सञ्चालन गरी ग्राहकहरुलाई स्तरीय सेवा प्रदान गर्दै आएको जनाएको छ ।