हामी सबैकाे संसारन्यूज

काठमाडौं । निलम्बित प्रधानन्यायाधीश चोलेन्द्र शमशेर राणाले आफूविरुद्धको महाभियोग निष्क्रिय भइसकेको दाबी गरेका छन् । प्रतिनिधिसभाको महाभियोग सिफारिस समितिमा बयान दिन उपस्थित भएका राणाले यस्तो दाबी गरेका हुन् । उनले संसदको सम्मानको लागि मात्रै आफु आएको बताए ।

“महाभियोग प्रस्ताव निष्क्रिय भइसकेको छ । म संसद्को सम्मानका लागि नागरिकका हिसाबले आएको हुँ”, बुधबार महाभियोग सिफारिस समितिमा राणाले भने, “यो प्रस्ताव संविधान र नियमावली संसद्ले पारित गरेन ।”

उनले पछिल्लो वरीयतामा रहेका दीपिक कार्कीलाई प्रधानन्यायाधीश बनाउनका लागि आफूमाथि महाभियोग लगाइएको दाबीसमेत गरेका छन् । कार्कीलाई प्रधानन्यायाधीश बनाउनुपर्ने प्रस्ताव आफूकहाँ आएको बताउँदै उनले त्यसलाई अस्वीकार गरेको बताए ।

उनले भनेका छन्, “मैले यसरी न्यायपालिका चल्दैन भनेर अस्वीकार गरेको हो ।”

उनले प्रधानन्यायाधीशलाई कमजोर बनाएर न्यायपालिकालाई कमजोर बनाउन खोजिएको बताए । उनले कसैको दबाबमा काम नगर्ने पनि बताएका छन् ।

“प्रधानन्यायाधीशलाई कमजोर बनाएर न्यायपालिकालाई कमजोर बनाउन खोजिएको छ, म विधि र पद्धतिबाट आएको हुँ”, उनले भनेका छन्, “पार्टीको दबाबमा, मिडियाको दबाबमा काम गर्दिनँ ।”

सम्बन्धित समाचार

महाभियोग सिफारिस समितिमा बयान दिन सिंहदरबार पुगे चोलेन्द्र

महाअभियोग सिफारिस समिति बैठक : डेढ घण्टा सांसदलाई कुरे चोलेन्द्रले