Sansar News
काठमाडौं । आइएमई र पतञ्जली आयुर्वेदबीच रेमिटेन्स साझेदारी सम्बन्धी सम्झौता भएको छ।
उक्त सम्झौता अनुसार भारतमा बसोबास गर्ने नेपालीले अब भारतभर रहेका पतञ्जली समूहमा आवद्ध विभिन्न १० हजार आउटलेटमा गएर सजिलै नेपाल पैसा पठाउन सक्नेछन्।
सम्झौता पत्रमा पतञ्जली समूहद्वारा प्रवर्द्धित भरुवा सोलुसन प्रालिका तर्फबाट निर्देशक डा.ऋषी कुमार र आइएमई इन्डिया तर्फबाट प्रमुख कार्यकारी अधिकृत गौतम नैथानीले हस्ताक्षर गरेका छन्।
दिल्लीमा मंगलबार आयोजित एक कार्यक्रमकाबीच सो समझदारी पत्र आदानप्रदान भएको कम्पनीले जनाएको छ।
वि.सं.२०७९ भदौ १५ बुधवार १४:४५ मा प्रकाशित
