हामी सबैकाे संसारन्यूज

काठमाडौं । सत्तारुढ गठबन्धन दलको सिट बाँडफाँट कार्यदलको बैठक आज पनि बस्दैछ ।

दिउँसो १ बजे प्रधानमन्त्री निवास बालुवाटारमा बस्न लागेको कार्यदलको बैठकले सिट बाँडफाँटको अन्तिम टुंगो लगाउने बताइएको छ ।

आइतबार बसेको गठबन्धनका शिर्षनेताहरुको बैठकले २ दिनभित्रमा सिट बाँडफाँटलाई टुंगोमा पुर्याउने गरी औपचारिक खाका ल्याउन भनेपछि आजको बैठकले सम्भवत सिट बाँडफाँटको टुंगो लगाउने बताइएको छ ।

कार्यदलको बैठकले सहमति जुटाएर शीर्ष नेताहरुसमक्ष प्रस्ताव लैजाने र सोही सिफारिसका आधारमा शीर्ष नेताहरुले निर्णय गर्ने बताइएको छ ।

आगामी मंसिर ४ गते हुने प्रतिनिधिसभा र प्रदेशशभा निर्वाचनका लागि पाँचदलीय गठबन्धनभित्र चुनावी तालमेल गरेर जाने सहमति भए अनुसार साउन २० गते बसेको बैठकले कार्यदल गठन गरेको थियो । कार्यदललाई साउन अन्तिमसम्म सिट बाडफाँटको टुंगो लगाउने जिम्मेवारी दिइएपनि कार्यदलले टुंगो लगाउन नसकेपछि शिर्ष नेताहरुलाई नै जिम्मा दिइएको थियो ।