Sansar News
काठमाडौं । नेपाल लाइफ इन्स्योरेन्स कम्पनीले हिमाल आरोहरण गर्न लागेकी ओरोही पूर्णिमा श्रेष्ठसँग सहकार्य गर्ने निर्णय गरेको छ ।
आरोहरण सम्बन्धमा कम्पनीका प्रमुख कार्यकारी अधिकृत प्रवीण रमण पराजुली र पूर्णिमा श्रेष्ठबीच सम्झौतामा हस्ताक्षर भएको कम्पनीले जनाएकाे छ ।
उक्त सम्झौता कार्यक्रममा प्रमुख कार्यकारी अधिकृत पराजुलीले श्रेष्ठको सफल आरोहणको कामना गरे ।
त्यसैगरी, ओरोही श्रेष्ठले आफ्नो हिमाल आरोहणमा जीवन बीमा कम्पनीसँग सहयात्रा गर्न पाएकोमा गर्ववान्वित र हौसला मिलेको बताइन् ।
यसअघि सगरमाथासहित नेपालको ८००० मिटर भन्दा माथि उचाईमा रहेका ७ ओटा हिमालहरु आरोहण गरिसकेकी श्रेष्ठले बिना अक्सिजन मनास्लु हिमाल आरोहणका लागि जाँदै छिन् । श्रेष्ठ पेशाले फोटो पत्रकारसमेत हुन् ।
वि.सं.२०७९ भदौ २० सोमवार ११:१४ मा प्रकाशित
