हामी सबैकाे संसारन्यूज

काठमाडौं । नेपालमा न्यून आय भएका वर्गलाई लक्षित गरी सञ्चालनमा ल्याइएको लघु जीवन बीमाको व्यवसाय उत्साहजनक देखिएको छ । नेपाल बीमा प्राधिकरणले सार्वजनिक गरेको चालू आर्थिक वर्ष २०८२÷८३ को तेस्रो त्रैमास चैत्रसम्मको प्रतिवेदनअनुसार लघु जीवन बीमा व्यवसाय गर्ने कम्पनीहरूले चैत मसान्तसम्म कुल २ अर्ब ५० करोड ४१ लाख रुपैयाँबराबरको बीमाशुल्क संकलन गरेका छन् ।

लघु बीमामा नेशनल र सिटिजन लाइफको अग्रता

जीवन बीमा कम्पनीहरूले जारी गरेको लघु बीमा व्यवसायमा नेशनल लाइफ इन्स्योरेन्स सबैभन्दा अगाडि देखिएको छ । नेशनल लाइफले ९ महिनाको अवधिमा ६ करोड ५ लाख रुपैयाँ बराबरको लघु बीमाशुल्क संकलन गरेको छ । त्यस्तै, सिटिजन लाइफले ३ करोड ४० लाख र सन नेपाल लाइफले ५८ लाख रुपैयाँभन्दा बढीको लघु बीमा शुल्क संकलन गरेका छन् ।

लघु बीमकहरूको सशक्त उपस्थिति

लघु जीवन बीमाकै लागि स्थापित तीनवटा कम्पनीहरूको व्यवसाय भने निकै लोभलाग्दो छ । जसमध्ये क्रेष्ट माइक्रो लाइफले ३ करोड ५ लाख रुपैयाँ कुल बीमाशुल्क आर्जन गरेको छ । त्यस्तै गार्डियन माइक्रो लाइफले ३ करोड ४ लाख रुपैयाँबराबरको बीमा शुल्क आर्जन गर्दा लिबर्टी माइक्रो लाइफले २ करोड ३६ लाख रुपैयाँ बराबरको बीमा शुल्क अर्जान गरेको छ ।

सक्रिय बीमालेख र पहुँच

तथ्याङ्कअनुसार हाल नेपालभर लघु जीवन बीमातर्फ ५७ लाख ९५ हजार ९२५ वटा सक्रिय बीमालेखहरू रहेका छन् । चैत महिनामा मात्रै ३ लाख ८० हजारभन्दा बढी नयाँ लघु बीमालेखहरू जारी भएका छन् । यसले शहरका साथै ग्रामीण भेगमासमेत बीमाको पहुँच विस्तार हुँदै गएको देखाएको छ ।

याे पनि हेर्नुहाेस्

बीमा व्यवसायको प्रादेशिक अवस्था बागमती प्रदेशको हिस्सा ४४ प्रतिशत, कर्णाली अझै पछि

बीमा व्यवसायको प्रादेशिक अवस्था बागमती प्रदेशको हिस्सा ४४ प्रतिशत, कर्णाली अझै पछि