हामी सबैकाे संसारन्यूज

काठमाडौं । प्रोग्रेसन होल्डिङ्स लिमिटेड (साबिक प्रोग्रेसन प्रोजेक्ट्स लिमिटेड) ले आफ्नो २०औँ वार्षिक साधारण सभाका लागि सेयरधनीलाई आकर्षक प्रस्ताव अघि सारेको छ। कम्पनीले हाल कायम चुक्ता पूँजीको ५० प्रतिशत बराबर बोनस शेयर तथा सो बोनसमा लाग्ने कर प्रयोजनका लागि नगद लाभांश वितरण गर्ने प्रस्ताव गरेको हो।

कम्पनीका अनुसार २०८१ साल पुस २० गते काठमाडौंमा सम्पन्न सञ्चालक समितिको बैठकले उक्त प्रस्ताव पारित गरेको हो। सोही बैठकले आ.व. २०७९/८० को वार्षिक प्रतिवेदन, नाफा–नोक्सान विवरण, नगद प्रवाह तथा इक्विटीमा आएको परिवर्तन सम्बन्धी विवरण पनि स्वीकृत गरेको जनाएको छ।

आ.व. २०८०/८१ का लागि कम्पनीको लेखा परीक्षण NBSM and Associates Chartered Accountant Firm लाई नियुक्त गर्ने निर्णय समेत गरिएको छ। कम्पनीले बोनस शेयर वितरणपछि पूँजी संरचना सुदृढ हुने र भविष्यमा प्राथमिक सेयर निष्कासन (IPO) को तयारीलाई पनि सहयोग पुग्ने विश्वास व्यक्त गरेको छ।

साथै, कम्पनीले सामाजिक उत्तरदायित्व अन्तर्गत विभिन्न सामाजिक तथा शैक्षिक कार्यक्रमहरू सञ्चालन गर्ने योजना समेत प्रस्तुत गरेको छ।

यसैबीच, कम्पनीको सहायक युनिभेल हाइडर सेकेन्डरी स्कूल काठमाडौं लिमिटेड ले पनि आ.व. २०७९/८० का लागि सेयरधनीलाई १५ प्रतिशत नगद लाभांश वितरण गर्ने प्रस्ताव अघि सारेको जानकारी दिएको छ।