Sansar News
काठमाडौं । पछिल्लो २४ घण्टामा कोरोनाबाट थप २२१ जना संक्रमित भएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ४,०५८ नमुना परीक्षणमा २२१ जनामा कोरोना संक्रमण पुष्टि भएको हो । आज थपिएका २२१ जनासँगै नेपालमा हालसम्म ९ लाख ९७ हजार ९९० जना कोरोनाबाट संक्रमित भइसकेका छन् ।
त्यस्तै आज निको भएका थप २०६ जनासँगै नेपालमा हालसम्म कोरोनाबाट निको हुनेको संख्या ९ लाख ८३ हजार ५३९ पुगेको छ ।
त्यस्तै पछिल्लो २४ घण्टामा कोरोनाबाट मृत्यु हुनेको संख्या शून्य रहेको छ । नेपालमा हालसम्म कोरोनाबाट ज्यान गुमाउनेको संख्या १२ हजार ७ रहेको छ ।
नेपालमा हाल २ हजार ४४४ जना सक्रिय संक्रमित रहेका छन् । ती मध्ये होमआइसोलेशनमा २,३१२, सस्थागत आइसोलेशनमा १३२, आइसीयुमा ३८ र भेन्टिलेटरमा ३ जनाको उपचार भइरहेको छ ।
पछिल्ला केही दिनयता नेपालमा कोरोनाबाट संक्रमित हने भन्दा निको हुनेको संख्या बढी रहेको छ ।
वि.सं.२०७९ भदौ २० सोमवार १७:२२ मा प्रकाशित
