हामी सबैकाे संसारन्यूज

काठमाडौं । कुमारी क्यापिटल लिमिटेडको चौथो वार्षिक साधारणसभाबाट आर्थिक वर्ष २०७८–७९ को लाभांश अनुमोदन गरेको छ ।
कम्पनीका अध्यक्ष विकास खनालको सभापतित्वमा टंगालस्थित कुमारी बैंकको केन्द्रीय कार्यालयमा भएको सभाले कम्पनीको हाल कायम चुक्तापुँजी ४० करोड रुपैयाँको ५ प्रतिशतले हुन आउने २ करोड रुपैयाँ नगद लाभांश वितरण गर्ने प्रस्ताव सर्वसम्ममतिबाट पारित गरेको हो ।
सभामा कम्पनीको आव २०७८–७९ को सञ्चालक समितिको प्रतिवेदन, सोही आर्थिक वर्षको लेखापरीक्षकको प्रतिवेदन, वासलात, नाफा–नोक्सान हिसाब, नगद प्रवाह विवरण तथा सो विवरणहरुसँग सम्बन्धित अनुसूचीहरु पारित भएको छ ।

अन्त्यमा सभाका अध्यक्षले कम्पनीले आगामी दिनमा प्रविधिको उच्चतम प्रयोगबाट आफ्नो सेवाहरुको पहुँच विस्तार गरी अझ गुणस्तरीय सेवा प्रदान गर्दै पुँजीबजारको विकासमा उल्लेखनीय योगदान पुर्याउने विश्वास दिलाएको छ ।