Sansar News
दार्चुला । दार्चुलामा बाढी र पहिरोका कारण ११ जना बेपत्ता भएका छन् ।
जिल्ला प्रहरी कार्यालय दार्चुलाका अनुसार लामो समयदेखि आएको वर्षापछि लास्कु खोलामा आएको बाढीका कारण ११ जना वेपत्ता भएको र दर्जनौ घर बगाएको हो ।
जिल्ला पहरी कार्यालय दार्चुलाका निमित्त प्रहरी प्रमुख जगत गाहामगरका अनुसार डुङुरीमा लास्कु खोलामा आएको बाढिले एकै घरका चारजनासहित ११ जना वेपत्ता भएका छन् भने बंगाबगड क्षेत्रमा आधा दर्जन घर महाकालीले बगाएको छ ।
लास्कु खोला र महाकाली नदीमा ठूलो बाढी आएका कारण जनधनको क्षति भएको गाहामगरले जानकारी दिएका छन् । उनका अनु्सार पानी परिरहेको र उद्धार कार्य जारी रहेकोले घटनाका बारेमा विस्तृत आइसकेको छैन ।
नेपाली सेना, नेपाल प्रहरी, शसस्त्र प्रहरी तथा स्थानीयवासी उद्धारका लागि खटिएको बताइएको छ ।
पानी अझै परिरहेको र नदीको कटान नरोकिएका कारण आसपासका क्षेत्रमा उच्च सतर्कता अपनाउन समेत अनुरोध गरिएको छ ।
वि.सं.२०७९ भदौ २५ शनिवार ०९:०१ मा प्रकाशित
