हामी सबैकाे संसारन्यूज

काठमाडौं । सानिमा बैंकका ग्राहकहरुले दराजमा विशेष छुट पाउने भएका छन् । बैंकले आफ्ना ग्राहकहरुका लागि दराजसँग “दशैं धमाका” योजनामा विशेष छुट दिने सहकार्य गरेको हो ।

बैंकका अनुसार योजना अवधिभर ग्राहकहरुले सानिमा बैंकको डेबिट तथा क्रेडिट कार्डबाट भुक्तानी गर्दा दराजबाट सामान खरिद गर्दा विशेष छुट प्राप्त गर्न सक्ने छन् ।

बैंकले ग्राहकहरुले डेबिट कार्डबाट भुक्तानी गर्दा १५% वा अधिकतम् रु २ हजारसम्मको छुट तथा क्रेडिट कार्डबाट भुक्तानी गर्दा २०% वा अधिकतम् रु २हजार ५ सयसम्मको छुट प्राप्त गर्न सक्ने जनाएको छ । साथै, योजना अवधिभर सहभागी हुने ग्राहकहरुले “पहिलोलाई प्राथमिकता”को आधारमा छुट प्राप्त गर्ने छन् ।

बैंकका अनुसार छुटका लागि ग्राहकहरूले दराजबाट बैंक भौचर सङ्कलन गर्नुपर्नेछ । यसैगरी क्रेडिट कार्ड प्रयोगकर्ताहरुले शून्य ब्याजदरमा मासिक किस्ताबन्दी ईएमआई सुविधा पनि प्राप्त गर्न सक्नु पर्नेछ ।

बैंकका अनुसार यो योजना आज भाद्र २९ देखि आश्विन ११ गतेसम्म १४ दिनका लागि लागू हुनेछ । साथै, बैंकले क्रेडिट कार्ड प्रयोगकर्ताहरुलाई मासिक किस्ताबन्दी ईएमआई सुविधा लिंदा रु. ५०० को क्यासब्याक पनि प्रदान गर्ने बैंकले जनाएको छ । क्यासब्याक योजना आगामी आश्विन १ देखि कार्तिक ३० गतेसम्म लागू हुने बैंकले जनाएको छ ।