हामी सबैकाे संसारन्यूज

काठमाडौं । कामना सेवा विकास बैंकले बाल दिवसको अवसरमा १८ वटा संस्थालाई सहयोग गरेको छ । बैंकले सामाजिक उत्तरदायित्व अन्तर्गत विभिन्न बालआश्रम, सामुदायिक विद्यालयहरुमा स्प्रेडिङ्ग स्माइलस भन्ने नाराका साथ आवश्यक सामाग्रीहरु सहयोग गरेको हो ।

बैंकले प्रदेश १ बाट हाम्रो बाल आश्रम दमक, मधेश प्रदेश क्षेत्रबाट अनाथालय सानोघर र सर्लाही चिल्ड्रेन सेन्टर, काठमाडौंबाट नन्दी माध्यमिक विद्यालय, पोखराबाट रेन्बो चिल्ड्रेन होम र जलजला बाल आश्रमलाई आवश्यक खाद्य र पाठ्य सामाग्रीहरु सहयोग गरेको जनाएको छ ।

त्यसैगरी, बैंकले बुटवलबाट मणिग्राम नमुना माध्यमिक विद्यालय, सत्य साई विद्या पिठ, राजेश्वरी आधारभूत विद्यालय, तनहुँ माध्यामिक विद्यालय, शुभान्सी आधारभूत कन्या विद्यालय, प्राथमिक विद्यालय, सुस्ता जनता आधारभूत विद्यालय, बिन्द्याबासिनी मिसुजु आधारभूत विद्यालय र बुटवल माध्यामिक विद्यालय, नारायणघाट क्षेत्रबाट साहारा घर र राइज अप ओर्फयान चिल्ड्रेन होम, पश्चिम क्षेत्रबाट सरस्वती प्राथमिक विद्यालय र केन्द्रीय कार्यालयबाट ब्लाइन्ड चिल्ड्रेन एजुकेसन सेन्टरमा आवश्यक खाद्य र पाठ्य सामाग्रीहरु प्रदान गरेको जनाएको छ ।

बैंकले यस प्रकारका सहयोगलाई आगामी दिनहरुमासमेत अझ प्रभावकारी कार्यक्रमहरु गर्दै जाने जनाएको छ ।