हामी सबैकाे संसारन्यूज

काठमाडौं । निलम्बित प्रधानन्यायाधीश चोलेन्द्रशमशेर राणालाई सर्वोच्च अदालत प्रवेशमा रोक लगाउन सरकारले सुरक्षा व्यवस्था कडा बनाएको छ । सर्वोच्च छिर्ने तयारी गरिरहेका बखत सरकारले उनको निवासदेखि अदालतसम्मै सुरक्षाकर्मी खटाएको हो । अहिले सर्वोच्च परिसरमा सुरक्षाकर्मीको बाक्लो उपस्थिति छ ।

आफू सर्वोच्च अदालत फर्किरहेकोले आवश्यक तयारी गर्न सर्वोच्च प्रशासनलाई जबराले शनिबार साँझ फोन गरेर निर्देशन दिएका थिए । जबराले आइतबार बिहान कार्यालय आउने खबर दिँदै सर्वोच्च प्रशासनलाई तयारीका लागि प्रबन्ध मिलाउन भनेका थिए ।

महाभियोग सिफारिस समितिले शनिबार राणाको बयान लिएर प्रतिवेदनसमेत तयार गरेर सभामुख अग्निप्रसाद सापकोटालाई बुझाएको थियो। प्रतिनिधिसभाको कार्यकाल पनि शनिबार रातिदेखि नै सकिएको छ ।

कार्यकाल सकिएकोले संसद्‌मा पुगेका सबै प्रस्ताव निष्क्रिय हुने व्यवस्था बमोजिम महाभियोग पनि निष्क्रिय हुने राणा पक्षधरको जिकिर छ ।