काठमाण्डौं । नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठले राष्ट्रपतिलाई संविधान उल्लंघन गर्ने छुट नभएको बताएका छन् ।
संसदबाट दोस्रोपटक पारित गरी प्रमाणिकरणका लागि राष्ट्रपति समक्ष पठाइएको नागरिकता बिधेयकका बारेमा बिभिन्न दृष्टिकोण र बिचारहरु रहेको र त्यसलाई सम्मान बताउँदै यद्यपी राष्ट्रपतिले नागरिकता बिधेयक प्रमाणित नगर्नु संविधान बिपरितको गलत कदम रहेको बताएका छन् ।
‘संसदबाट दोस्रोपटक पारित गरी प्रमाणिकरण गर्न राष्ट्रपति समक्ष पठाइएको नागरिकता बिधेयकका बारेमा बिभिन्न दृष्टिकोण र बिचारहरु छन् । यसको सम्मान गरिनु पर्दछ । म स्वयंले पनि राष्ट्रिय सभाको बैठकमा र सार्बजनिक रुपमा समेत बिधेयकमा रहेको कतिपय लैङ्गिक बिभेद र बैबाहिक अङ्गिकृत नागरिकता प्राप्त गर्ने प्रावधानका बारेमा असहमति राखेको थिएं,’ नेता श्रेष्ठले सामाजिक संजालमा भनेका छन्, ‘हाम्रो पार्टीको तर्फबाट पनि संसदमा रिजर्भेसन राखिएको थियो । हाम्रा बिचारहरु राष्ट्रपतिज्यूले सरोकार देखाउनु भएका कतिपय बिचारहरुसंग पनि मेल खान्छन् ।’
वि.सं.२०७९ असोज ५ बुधवार १६:२७ मा प्रकाशित
