Sansar News
काठमाडौ । राप्रपा नेपालका अध्यक्ष कमल थापाले नेपाली किसानले उत्पादन गरेको दूधको बजार नपाइरहेको अवस्थामा भारतबाट दूध आयात गर्ने सरकारको निर्णय तत्काल फिर्ता लिन आग्रह गरेका छन् ।
अध्यक्ष थापाले किसानले उत्पादन गरेको दूधले बजार नपाइरहेको तथा बजार पुगेका दूधको भुक्तानी समेत नपाएर किसान मारमा परिरहेका बेला भारतबाट दूध आयात गर्ने गठबन्धन सरकारको निर्णय अनुपयुक्त रहेको बताएका छन् ।
‘नेपालमै उत्पादित दूधले बजार नपाएको र बिक्री भएको दूधको पनि भुक्तानी नभएको बेला भारतबाट दूध आयात गर्ने गठबन्धन सरकारको निर्णय अनुपयुक्त छ,’ अध्यक्ष थापाले सामाजिक संजाल ट्विटरमा लेखेका छन्, ‘किसान र व्यवसायलाई धरासायी पार्ने यो जनविरोधी निर्णय तत्काल फिर्ता गर्न प्रमको ध्यानाकर्षण गराउँछु ।’
भारतीय दूध आयात पुनः सुरु गर्ने सरकारको निर्णयप्रति किसानको आपत्ति
वि.सं.२०७९ असोज ८ शनिवार १०:१४ मा प्रकाशित
