Sansar News
काठमाडाैं । नेत्रविक्रम चन्द ‘विप्लव’ नेतृत्वको नेकपाको नवौं महाधिवेशन मंगलबारबाट कपिलवस्तुको शिवगढीमा सुरु भएको छ । सात दिनसम्म चल्ने महाधिवेशनमा महासचिव चन्दले प्रस्तुत गरेको राजनीतिक प्रतिवेदन र संशोधित विधान पारित गर्ने एक केन्द्रीय सदस्यले बताए ।
महाधिवेशनमा सहभागी हुने प्रतिनिधि संख्या भने खुलाइएको छैन ।
यसअघि काठमाडाैंमा हुने भनिएको महाधिवेशनको मिति र स्थान फेर्दै नेकपाले कपिलवस्तुमा महाधिवेशन गरेकाे हाे । कपिलवस्तु विप्लवको गृह जिल्ला पनि हो ।
पार्टी विभाजन भएपछि पहिलो पटक नयाँ कार्यदिशा निर्माण गर्ने तथा ४ मंसिरमा हुन गइरहेको निर्वाचनका बारेमा धारणा बनाउने भएकाले महाधिवेशनलाई चासाेका साथ हेरिएकाे छ ।
वि.सं.२०७९ असोज २५ मंगलवार १७:४७ मा प्रकाशित
