हामी सबैकाे संसारन्यूज

काठमाडौँ । कतारमा जारी फिफा विश्वकपको क्वाटरफाइनलमा नेदरल्याण्डस्लाई पराजित गर्दै अर्जेन्टिनाले फिफा विश्वकप फुटबल २०२२ को सेमिफाइनलमा आफनो स्थान सुरक्षित गरेको छ । सेमिफाइनलमा पुगेसँगैँ मेस्सीको विश्वकप जित्ने सपना नजिकिदै गरेको पाइन्छ ।

खेलको ३५ औं मिनेटमा अर्जेन्टिनाका लागि नहुएल मोनिलाले गोल गर्दै अग्रता दिलाएका थिए भने ७३ औं मिनेटमा लियोनल मेस्सीले गोल गर्दैअग्रता दोब्बर बनाए । तर नेदरल्याण्डस्का लागि वोउट वेग्होरस्टले खेलको ८३ औं र इञ्जुरी समयमा गोल गर्दै खेल बराबरीमा ल्याएपछि खेल अतिरिक्त समयमा पुगेको थियो । त्यसपछि दुवै टोलीबाट गोल नभएपछि खेल टाइब्रेकरमा पुगेको थियो ।

टाइब्रेकरमा अर्जेन्टिनाले खेल ४–३ गोल अन्तरले विजयी भयो ।