हामी सबैकाे संसारन्यूज

काठमाडौं । माछापुच्छ्रे बैंकले लाभांश वितरण नगर्ने भएको छ । बैंकको शुक्रबार बिहान बसेकोे सञ्चालक समितिको बैठकले गत आर्थिक वर्ष २०७८/०७९ को वितरण योग्य नाफा सन्चित गर्ने र कुनै पनि लाभांश वितरण नगर्ने निर्णय गरेको हो ।

साथै उक्त प्रस्तावसहितका वित्तीय विवरण नेपाल राष्ट्र बैंकमा पेस गरी नेपाल राष्ट्र बैंकबाट कुनै संशोधन, सुझाव तथा निर्देशन प्राप्त भएमा समेत समावेश गरी स्वीकृतिका लागि आगामी वार्षिक साधारण सभामा पेस गरिनेछ बैंकले जनाएको छ ।

माछापुच्छ्रे बैंकले यसअघि निकै आकर्षकरुपमा लाभांश बाँड्दै आएको थियो । आर्थिक वर्ष २०७७/०७८ मा बैंकले १४ प्रतिशत लाभांश बाँडेको थियो ।

गत वर्ष बैंकले एक अर्ब ६० करोड ७४ लाख ७३ हजार रुपैयाँ खुद नाफा कमाएको थियो । जसका आधारमा बैंकको वितरणयोग्य नफा ३२ करोडभन्दा बढी थियो ।