हामी सबैकाे संसारन्यूज

काठमाडौं । नेकपा (माओवादी केन्द्र) का महासचिव देव प्रसाद गुरुङले राजनीतिक पृष्ठभूमिबाहिरबाट राष्ट्रपति बनाउने कुरा राष्ट्रिय आत्मसमर्पणवादी चिन्तन हुने बताएका छन् ।

केहीदिनयता राजनीतिक दल भन्दा बाहिरको व्यक्तिलाई राष्ट्रपति बनाउने भन्ने कुरा सार्वजनिक भइरहेका बेला महासचिव गुरुङले यस्तो अभिव्यक्ति दिएका हुन् ।

संवाद डबलीद्धारा शुक्रबार काठमाडौंमा आयोजित एक कार्यक्रममा महासचिव गुरुङले मुलुकमा आर्थिक तथा वैदेशिक हस्तक्षेप चुलिएको बेला राजनीतिक पृष्ठभूमिबाट बाहिर राष्ट्रपति बनाउने कुरा सोच्न पनि नहुने बताए ।

महासचिव गुरुङले आफ्नो पार्टी र पाँचदलीय गठबन्धनभित्र यस्तो यस्तो कुरा नचलेको बताउँदै उनले भने–‘संस्थागत रुपमा मैले यस्तो कुनै जानकारी पाएको छैन । पार्टीमा पनि कुरा उठेको छैन । पाँच दलीय गठबन्धनमा पनि सो कुरा कतैबाट उठेको छैन । तर पनि हिजोबाट कतिपय मिडियाहरुमार्फत् यो कुरा सुनिराखिएको छ, आइराखेको छ । अब सुनेकै कुरा ठिक हो भने यो सोच, यो भिजन अहिलेको सिष्टम अनुकुलको भिजन होइन, दृष्टिकोण होइन । किनभने अहिलेसम्मको विकासको यात्राले के चाँही आत्मासातीकरण गर्दै आएको हो भने अव मुलुकको अगुवा दलहरुले गर्नुपर्छ । ‘