हामी सबैकाे संसारन्यूज

नेदरल्याण्ड । माओवादी नेता जोशे मारीया शिसोनको निधन भएको छ ।

माओपछि अन्तराष्ट्रिय नेताको हैसियत प्राप्त गरेक शिसोनको ८३ बर्षको उमेरमा निधन भएको हो । नेदरल्याण्डको उटेच शहरको एक अस्पतालमा उनको उपचारको क्रममा निधन भएको हो ।

फिलीपिन्स बिश्वबिद्यालयमा प्राध्यापन गरीरहेकै बेला सन १९६८ मा उनकै पहलमा फिलीपन्स कम्युनिष्ट पार्टीको स्थापना भएको थियो । संस्थापक महासचिव रहेका उनले सन १९६९ मा न्यु पिपुल्स आर्मी गठन गरेर जनयुद्ध शुरु गरेका थिए ।

६० गुरील्ला, ९ अटोमेटीक राईफल्स र २६ शर्ट हतियारबाट शुरु भएको सो हिंसात्मक संघर्षमा सरकार र बिद्रोही पक्षबाट धेरै जनधनको क्षति भएको छ । सन १९८६ मा वार्ताको वाताबरण बनाउन उनलाई रिहा गरिएलगतै उनी युरोपमा स्वनिर्वासीत भएका थिए ।

नेशनल डेमोक्रेटीक फन्ट अफ फिलिीपीन्सका तर्फबाट सरकारसंगको वार्ता टोलीका संयोजक रहेका उनी नेदरल्याण्डमा रहेर टर्की, पेरु, भारत र नेपाल समेतको जनयुद्धमा चासो दिंदै मानवजातीका लागी क्रान्तिकारी बिद्रोह फैलंदै गएको कुरा संप्रेषण गर्दै आएका थिए । माओवादीबृत्तभित्र उनी माओपछिको संसारप्रसिद्ध नेताका रुपमा स्थापित थिए ।