Sansar News
काठमाडाैं । आइतबार बसेको मन्त्रिपरिषद् बैठकले विभिन्न निर्णय गरेको छ। सोमबार मन्त्रालयमा पत्रकार सम्मेलन गर्दै सूचना सञ्चार तथा प्रविधिमन्त्री ज्ञानेन्द्रबहादुर कार्कीले आइतबार बसेको मन्त्रिपरिषदको बैठकले गरेका निर्णयहरू सार्वजनिक गर्दै यस्तो जानकारी दिएका हुन् ।
सरकारले नीलगिरि खोला १ र २ जलविद्युत् आयोजनाको २२० केभी प्रसारणलाइन निर्माणका लागि राष्ट्रिय वन क्षेत्र प्रयोग गर्न दिने निर्णय गरेकाे छ । सरकारले माथिल्लो फावाखोला जलविद्युत् आयोजनाका निर्माणका लागि राष्ट्रिय वनक्षेत्र प्रयोग गर्न दिने निर्णय भएको पनि उनको भनाइ छ ।
मन्त्री कार्कीले संरक्षण क्षेत्रभित्रका जलविद्युत् आयोजनाका लागि थप सर्त समावेश गर्ने निर्णय भएको बताए । उनले अन्नमा आधारित पूरक बाल आहारको गुणस्तर मापदण्ड निर्धारण गर्नेसम्बन्धी आदेश स्वीकृत गर्ने बताए ।
खाद्य पदार्थमा हेभी मेटलको अधिकतम मात्रा निर्धारण गर्नेसम्बन्धी आदेश स्वीकृत गर्ने निर्णय भएको उनले जानकारी दिए ।
वि.सं.२०७९ पुस ४ सोमवार १७:३७ मा प्रकाशित
