Sansar News
काठमाडौं । नेपाल कांग्रेसका महामन्त्री गगन कुमार थापाले सभापति देउवालाई ऐतिहासिक निर्णय गर्न आग्रह गरेका छन् ।
पार्टीको संसदीय दलको नेता चयनका लागि बुधबार हुने निर्वाचनका लागि मंगलबार उम्मेदवारी दर्ता गराउने क्रममा महामन्त्री थापाले उम्मेदवारी फिर्ता लिएर ऐतिहासिक निर्णय गर्न सभापति देउवालाई आग्रह गरेका हुन् ।
नेता शेखर कोइराला प्रस्तावक र विश्वप्रकाश शर्मा, उपसभापति धनराज गुरुङ, महामन्त्री विश्वप्रकाश शर्मा र केन्द्रीय सदस्य प्रदीप पौडेलको समर्थनमा उम्मेदवारी दर्ता गराएका थापाले अर्का वरिष्ठ नेता रामचन्द्र पौडेललाई कांग्रेसको भविष्यप्रति चिन्ता गरेर परिवर्तनको सन्देश मनन गर्न आग्रह गरेका छन् ।
थापा भन्दा अगाडि संसदीय नेताका लागि सभापति देउवाले आफ्नो उम्मेदवारी दर्ता गराएका थिए ।
महामन्त्री तथा नवनिर्वाचित सांसद थापाले आफ्ना प्रस्तावक र समर्थकलाई धन्यवाद दिँदै कांग्रेसका सांसदलाई जनमतको सम्मान गर्न र परिवर्तनको पक्षमा उभिन आग्रह गरेका छन् ।
नेपाली कांग्रेसको संसदीय दलको नेता चयनका लागि भोली बुधबार बिहान ८ देखि १० बजेसम्म निर्वाचन हुनेछ ।
वि.सं.२०७९ पुस ५ मंगलवार १५:३५ मा प्रकाशित
